Братина Кубогы. «Сарыарқаның» жартылай финалдағы қарсыласы – «Торос»

Қарағандылық «Сарыарқа» хоккей клубы ширек финалдың жетінші ойынында Ангарск қаласының «Ермак» командасымен кездескен. Қарағандыда өткен кездесуде жерлестеріміз «Ермак» клубын 4:0 есебімен ұтты. Матчтың бірінші минутынан қарқынды шабуылдар ұйымдастырған «Сарыарқа» бірінші кезеңде екі шайба соқты. Олардың авторлары – Евгений Рымарев пен Михаил Паньшин. Екінші кезеңде ойын теңеліп, шайба соғылмады. Ал, соңғы кезеңде ойын тағы тең болғанымен Денис Стасюк екі шайба соғып, қазақстандық командаға жеңіс әкелді. Осылайша ширек финалдағы серия 4:3 есебімен «Сарыарқаның» пайдасына шешілді. Енді қарағандылық «Сарыарқа» хоккей клубы жартылай финалда Нефтекамск қаласының «Торос» командасымен кездеседі. Ал, екінші жартылай финалда «Ижсталь» (Ижевск) мен «ТХК» (Тверь) хоккейшілері ойнайды.