Елена Рыбакина осы маусымдағы он бірінші жеңісіне қол жеткізді
Әлемнің жетінші ракеткасы Елена Рыбакина АҚШ-та өтіп жатқан Miami Masters турнирінің ширек финалына жолдама алды. Осылайша Елена жаңа маусым басталған сәттен бастап, қатарынан 11-жеңісіне қол жеткізді. Бұл Еленаның спорттық мансабындағы жаңа рекорд. Осыған дейін Рыбакина 7 ойын қатарынан жеңіске жеткен. Бұл Уимблдон турнирінде жеңіске жеткен кезде болған.
Мастерс санатына жататын турнирдің 1/8 финалында отандасымыз Элизе Мертенсті (Бельгия) (#39) екі сетте 6:4, 6:3 есебімен жеңді. Елена жартылай финалдың жолдамасын италиялық Мартина Тревизанмен (#24) сарапқа салады.
