Бүгін хоккейден Әлем чемпионатында Қазақстан Ұлттық құрамасы Жапониямен ойнайды

Польшаның Краков қаласында өтіп жатқан хоккейден Әлем чемпионатының бірінші дивизионында бақ сынап жатқан Қазақстан Ұлттық құрамасы үшінші кездесуін Жапония құрамасына қарсы өткізеді. Осыған дейін Қазақстан Ұлттық құрамасы екі кездесу өткізіп, екеуінде де жеңіске жетті. Алғашқы ойынды Украина құрамасына қарсы өткізіп 5:2 есебімен ұтқан болса, екінші кездесуде Венгрия құрамасын 5:0 есебімен жеңді. Айта кетейік, Қазақстан Ұлттық құрамасының барлық ойынын «KAZsport» телеарнасынан тікелей эфирде көре аласыз. Қазақстан Ұлттық құрамасының ойындар күнтізбесі: 22 сәуір. 16:50. Қазақстан – Жапония 23 сәуір. 23:50. Қазақстан – Польша 25 сәуір. 20:20. Италия – Қазақстан