Қазақстан Ұлттық құрамасы әлемдік хоккейдің элитасына қайта оралды

Польшаның Краков қаласында хоккейден Әлем чемпионатының бірінші дивизионындағы ойындар жалғасуда. Хоккейден Қазақстан Ұлттық құрамасы турнирдегі төртінші кездесуін алаң иелері Польша құрамасына қарсы өткізіп, 2:3 есебімен жеңіске жеткен. Шайба авторлары: 1:0 — 29:34 Савченко (Даллмэн, Краснослободцев). 1:1 — 23:55 Почиха (Коваловка, Хмелевски). 2:1 — 36:56 Старченко (Руденко). 2:2 — 48:20 Колуш (Брык, Ромпковски). 3:2 — 55:26 Старченко (Савенков). Осылайша төрт ойында жеңіске жеткен хоккейден Қазақстан Ұлттық құрамасы әлемдік хоккейдің элиталы раундына қайта оралды. Айта кетейік, Қазақстан Ұлттық құрамасының барлық ойынын «KAZsport» телеарнасы тікелей эфирде көрсетуде. Ертең Қазақстан Ұлттық құрамасы турнирдегі соңғы ойынын Италия хоккейшілерімен өткізеді. Матчты тікелей эфирде 20:20-де тамашалай аласыздар.