Мағжан Шамшадин – дзюдодан Qazaqstan Barysy Grand Slam жарысының чемпионы

Қазақстандық Мағжан Шамшадин (-60 кг) Астанада өтіп жатқан Qazaqstan Barysy Grand Slam әлемдік турнирінің чемпионы атанды.

Бұл спортшымыздың Grand Slam жарыстарындағы алғашқы алтын жүлдесі.

Финалда ол Франция өкілі Седрик Револмен кездесіп, жеңіске жетті

Мағжан Шамшадин алғашқы кездесуінде Әзірбайжан спортшысы Назир Талибовты ұтты. Келесі белдесуінде Мағжан Бахром Ботуровты (Өзбекстан) иппон ұпайымен жеңді, жартылайфиналдық белдесуде Мерзод Суфиевтен (Тәжікстан) басым түсті.

66 келіге дейінгі салмақтың финалында Ғұсман Қырғызбаев бақ сынайтын болады.

Жарыс елордадағы «Барыс Арена» спорт кешенінде 16-18 маусым күндері өтеді.