«Адмирал» командасы хоккейден Президент Кубогында «Металлургты» жеңді

Владивосток қаласынан келген «Адмирал» командасы Астанада өтіп жатқан хоккейден Президент Кубогында екінші рет жеңіске жетті. Олар халықарлық жолдастық турнирдің екінші күні новокузнецкілік «Металлург» клубын 2:1 (1:0, 0:1, 1:0) есебімен ұтты. Жеңімпаз команда сапынан шайбаны Кирилл Воронин (13-ші мин) мен Виктор Александров (49-шы мин) салды. «Металлург» командасы соққан жалғыз шайбаның авторы – Вадим Митряков (31-ші мин). Енді «Адмирал» келесі ойында алаң қожайыны елордалық «Барыспен» кездеседі. Ал, осымен екінші рет ұтылған «Металлург» Ханты-Мансийск қаласының «Югра» командасымен ойнайды. Еске сала кетейік, Астанада өтіп жатқан хоккейден Президент Кубогын «KAZsport» телеарнасы тікелей эфирде көрсетуде.