Әділбек Мусин – Азия ойындарының қола жүлдегері

Қазақстандық спортшы 100 метрге butterfly әдісімен жүзуде 51.98 нәтижесін көрсетіп, ХІХ Жазғы Азия ойындарының қола жүлдесін еншіледі. Бұл Қазақстан құрамасының оныншы қола жүлдесі. 

Әділбектен басқа финалдық кезеңде сынға түскен Ксения Игнатова 100 метрге арқамен жүзу жарысында сегізінші орын алса, Софья Сподаренко әйелдер арасында 100 метр қашықтыққа butterfly әдісімен жүзуде жарысты сегізінші орынмен аяқтады. Сонымен қатар аралас эстафетада Қазақстан құрамасы бесінші орынға табан тіреді.