EURO-2024: С және D топтарында 3-тур ойындары аяқталды
Футболдан 2024 жылғы Еуропа чемпионатының С және D топтарында топтық кезең аяқталды.
Ала доп бәсекесінің он екінші жарыс күнінде Нидерланд - Австрия, Франция - Польша, Дания - Сербия, Англия - Словения командалары арасында ойындар өтті.
Берлинде өткен Нидерланд пен Австрия құрамалары арасындағы матч 2:3 есебімен Ральф Рангник бастаған команда пайдасына шешілді. Осы кездесумен бір уақытта өтіен Франция мен Польша құрамалары арасындағы ойында командалар тең тарқасты - 1:1. Екі гол пенальтиден соғылғанын айта кету керек. Килиан Мбаппе кездесудің 56-минутында, ал Роберт Левандовский 79-минутта пенальти соққысын орындап, нәтижелі соққының авторы атанды. Айта кетейік, бұл Франция құрамасының шабуылшысы Килиан Мбаппе мансабында алғаш рет Еуропа чемпионатында гол соқты.
Осылайша, Австрия құрамасы 6 ұпаймен топтан бірінші орынмен Еуропа чемпионатының 1/8 финалына шықты. D тобында екінші орынға Франция (5 ұпай), ал үздік үштікті Нидерданд командасы (4 ұпай) түйіндеп, плей-оффқа жолдама алды.
Англия мен Словения, Дания мен Сербия командалары арасындағы ойындар 0:0 есебімен тең аяқталды. Сонымен,Еуропа чемпионатының 1/8 финалына шыққан тағы үш команда белгілі болды. Гарет саутгейт жаттықтыратын команда топтан бірінші орынмен плей-оффқа шықса, бұл қатарды Дания мен Словения толықтырды. Тағы бір айта кетерлігі, Словения алғаш рет Еруопа чемпионатының 1/8 финалына шығып отыр.
Кезекті жарыс күнінің қорытындысында Германия мен Дания құрамаларының Еуропа чемпионаты 1/8 финалында кездесетіні белгілі болды. Бұған дейін 1/8 финалдың бір жұбы белгілі болып, Швейцария мен Италия құрамаларының қарсыласы болатыны анықталған еді.
