Таэквондо. Ел чемпиондарының есімі белгілі

Астанада таэквондоның WTF тұжырымы бойынша Қазақстан чемпионаты аяқталды.

Үш күн бойы «Даулет» спорт кешенінде өткен бәсекеледе  жалпыкомандалық бірінші орынды Алматының жекпе-жек шеберлері жеңіп алды. Оңтүстік астананың спортшылары тұғырдың ең биік сатысына 6 рет көтерілді. Қалған екі орынды Атырау мен Жамбыл облысының таэквондошылары иеленді. Лондон Олимпиадасында ел намысын қорғаған құрамамыздың бетке ұстар өкілдері Гүлнафис Айтмұхамбетова мен Феруза Ергешовалар өз деңгейлерінде өнер көрсетті. Тек Нұрсұлтан Мамаев қана ақтық сында сүрініп, екінші орынды місе тұтты.

Чемпионат қорытындысы бойынша алдағы ірі жарыстарға қатысатын ел құрамасы жасақталды.