Ережесіз жекпе-жек. Қуат Хамитов қарсыласын құлатты
Қазақстандық «Алаш прайд» клубының белді спортшысы Қуат Хамитов - «Найман» Қытайда өткен RUFF – 11 турнирінде жеңімпаз атанды.
30 қарашада, Қытайдың Шанхай қаласында өткен турнирде Қуаттың қарсыласы Моңғолия спортшысы Кхуукхенкхуу Амартувшин болды.
Бұл жекпе-жек қазақ спортшысына оңайға түскен жоқ, қолын жарақаттап алғанына қарамастан, табандылық танытқан Қуат, кездесуді соңына дейін жалғастырып, төрешілер шешімімен жеңіске жетті.
Тәуелсіздіктің 22 жылдығына орай Алматыда, 19 желтоқсанда «Ұлы Майдан II — Великая Битва II» турнирі өтеді.
Өкінішке қарай, алған жарақатына байланысты, Қуат Хамитов бұл турнирге қатыса алмауы мүмкін.
