Басты Жаңалықтар Тұлға. Мұстафа Өзтүріктің туғанына - 59 жыл

Тұлға. Мұстафа Өзтүріктің туғанына - 59 жыл

04.12.2013 02:03

Бүгін ҚР Таэквондо (WTF) федерациясының негізін салушы, халықаралық дәрежедегі жаттықтырушы Мұстафа Кәбенұлы Әбдірахманның туғанына - 59 жыл.

Әлемге Мұстафа Өзтүрік деген атпен танылған спорт саңлағы 1954 жылы Түркияның Қайсері қаласындағы Мұсаходжалы ауылында дүниеге келген. 1995 жылы 15 наурызда Алматыда қайтыс болды.

«Мұстафа Өзтүрік ұлтын қатты мадақтаған адам еді. Жүрген жерінде өзінің қазақтығын мақтанышпен айтып жүретін. Мұстафа бауырымыздың өнегелі істері - тәрбие ісінде үлгі тұтуға таптырмайтын образ. Біз оны әлі күнге дейін тек спортшы деп қана танып келе жатырмыз», - дейді шәкірті, Қазақстан Республикасының Еңбек сіңірген жаттықтырушысы Қабибек Мұхитов.

Оның айтуынша, Мұстафа Өзтүрік жастық шағында өлең де жазған. Кейін киноға түсіп, әртістігімен танылды. Қабибек Мұхитов спортшының 60 жылдығын мемлекеттік деңгейде атап өтуді ұсынды.

Бөлісу