Волейбол. Қазақстан әйелдер құрамасы Әлем чемпионатына жолдама алды

Волейболдан Қазақстан әйелдер құрамасы 2014-ші жылғы Әлем чемпионатына қатысатын болды. Әлем біріншілігінің жолдамаларын, Азия құрлығының командалары Қытай жерінде сарапқа салған болатын.

Александр Гутордың шәкірттері «В» іріктеу тобында алаң иелерімен қатар, Оңтүстік Корея, Үндістан және Жаңа Зеландияның волейболшыларымен күш сынасты. Және біздің қыздар Қытайдың волейболшыларына ғана есе жіберіп, қалған қарсыластарының барлығын ұтты. Сөйтіп, аспан асты елінің құрамасынан кейін, өз тобында екінші орынды иеленіп, Әлем чемпионатына қатысатын болды. Қалған екі жолдамаға Жапония мен Тайланд құрамалары қол жеткізді. 2014-ші жылғы әлемдік дода Италияда өтеді