Дзюдо. Ислам Бозбаев – әлемдік Гран-придің жеңімпазы

Алматыда «Балуан Шолақ» атындағы спорт сарайында өтіп жатқан дзюдодан әлемдік Гран-при бәсекесінде Қазақстан қоржыны тағы бір алтынмен толықты. 90 келі салмақта белдескен Азияның екі дүркін күміс жүлдегері Ислам Бозбаев финалда өзбекстандық Хуршид Нәбиевпен белдесуі тиіс еді. Алайда өзбек палуаны белдесуге шықпады. Бұдан бұрын хабарлағанымыздай, кеше, 28 қыркүйекте Қазақстанның 2 палуаны алтын медаль иеленді. Олар - 60 келідегі Елдос Сметов пен 66 келідегі Елдос Жұмақанов.