Карлос Алькарас АҚШ ашық чемпионатының жеңімпазы атанды

Испаниялық теннисші АҚШ ашық чемпионатының финалында италиялық Янник Синнермен кездесіп, 6:2, 3:6, 6:1, 6:4 есебімен жеңіске жетті.

Карлос Алькарас кәсіби мансабында екінші рет АҚШ ашық чемпионатын ұтты. Бұған дейін ол 2022 жылы US Open чемпионы атанған еді.

Турнир нәтижесі бойынша Алькарас әлемдік рейтингте бірінші орынға қайта оралып, Синнерді ығыстырды.

Бұл 22 жастағы теннисші үшін мансабындағы алтыншы «Үлкен дулыға» турнирінің титулы.