Түркістанда Бекзат Саттархановтың өмір жолы сахналанады

Биыл даңқты боксшының туғанына 45 жыл толуына орай Түркістан музыкалық-драма театры көрерменге Қуат Ежембектің «Бекзат» драмалық қойылымын тарту етеді.

Қойылым идеясының авторы –Асылхан Төлепов. Жоба жетекшісі - Айгерім Бозщина. Пьесаның авторы – Қуат Ежембек. Қоюшы режиссері – Carlo Sciaccaluga.

Қойылым тек шаршы алаңдағы жеңістерді ғана емес, сонымен бірге ананың алаңдаған жүрегін, әкенің үкілі үмітін, алғашқы махаббаттың мөлдір сезімін, жарыстардағы бәсекелестікті, жеңіс пен жеңілістің ащы-тәтті сәттерін де сахнада шынайы жеткізеді.

Аталған қойылымның премьерасы 2025 жылдың 9, 10, 11, 12 қазан, сағат 19:00-ге жоспарланып отыр.