Алматыдағы ATP 250 турнирінің жеңімпаздары анықталды

Әлемнің 14-ракеткасы, ресейлік Даниил Медведев ATP 250 санатындағы Алматыдағы турнирде жеңіске жетті. Финалда ол рейтингте 41-орында тұрған француз Корентен Мутені жеңді.

Бірінші партия 7:5 есебімен ресейлік теннисшінің пайдасына шешілді. Екіншісінде франциялық спортшы есе қайтарды – 6:4. Шешуші сетте Медведев жеңісті жұлып алды – 6:3.

Бұл Медведевтің 2023 жылдан бергі алғашқы, ал жалпы мансабындағы 21-ші титулы болды.

Жұптық сында франциялықтар Тео Аррибаж бен Альбано Оливетти үздік шықты. Олар финалда германиялық Якоб Шнайттер мен Марк Вальнерден айласын асырды - 6:4, 7:6 (10:8).