Полторанин Әлем Кубогының кезеңіне қатысады

Бүгін Швецияның Фалун қаласында шаңғы жарысынан Әлем Кубогының бұл маусымдағы соңғы кезеңі өтеді. Ерлер классикалық стильде спринт бәсекесінде сынға түседі. Бәсекеге 49 шаңғышы қатыспақ. Олардың ішінде Алексей Полторанин де бар. Қазақстандық шаңғышы спринттің іріктеу кезеңінде бесінші реттік нөмірмен жарыс жолына шығады. Ерлер арасындағы спринт бәсекесінде іріктеу кезеңі Астана уақытымен 17:30-да басталады. Ал финал 19:30-ға белгіленген.