Әлем Кубогының кезеңінде Денис Кузин сынға түседі

Бүгін Голландияның Херенвен қаласында конькимен жүгіруден Әлем Кубогының соңғы кезеңі өтеді. Ерлер арасындағы «А» дивизионында екінші бағдарламада - 1000 метрлік қашықтық. Бұл бәсекеге 18 спортшы қатысады. Қазақстандық Денис Кузин жетінші айналымда канадалық Денни Моррисонмен қатар жүгіреді. Херенвендегі Әлем Кубогы кезеңін «KAZsport» телеарнасынан 21:00-де тікелей эфирде көруге болады.