Михаил Шайдоровтың костюмі Олимпиада музейіне табысталады

Бүгін Олимпиада чемпионы Михаил Шайдоров үшін ерекше күн. Спортшы өзінің жарыс кезінде киген костюмін Олимпиада музейінің қорына ресми түрде табыстайды.

Дәл осы образда ол төртжылдықтың басты додасында мұз айдынына шығып, Қазақстан намысын қорғаған болатын.

Енді бұл костюм Лозанна қаласындағы Олимпиада музейінің коллекциясына еніп, әлемнің түкпір-түкпірінен жиналған тарихи жәдігерлердің қатарынан орын алады.