«KAZsport» телеарнасы сайтынан онлайн-трансляция көре аласыздар

«KAZsport» телеарнасы сайтынан (www.kazsporttv.kz) соңғы күндері кейбір заңдық талаптарға байланысты онлайн-трансляция жүргізілмей келді. Дегенмен бұл мәселе оң шешімін тапты. Енді көрермендер www.kazsporttv.kz сайтынан әлемде және елімізде болатын маңызды спорттық жарыстардың онлайн көрсетілімін тамашалай алады. Диас Ахметшәріп, «KAZsport» телеарнасының директоры: «KAZsport» телеарнасының сайтынан онлайн-трансляция қайта жалғасын табады. Әзірге тек қана Құрлықтық хоккей лигасының ойындарын тарату құқығы жоқ. Ал жанкүйерлер өзге турнирлердің барлығын тікелей эфирден көре алады. Бірақ, онлайн-трансляциялар тек қана Қазақстан аумағында таралады.