Қарағандыда аралас жекпе-жектен (ММА) ел чемпионаты өтеді

11-12 сәуір күні Қарағандыда Серік Сәпиев атындағы бокс орталығында аралас жекпе-жектен (ММА) ел чемпионаты өтеді. Сонымен қатар, жанкүйерлер назарына «Kazakhstan MMA TOP TEAM» клубының кәсіби шоуы ұсынылады. Қазақстан чемпионатын Республикалық джиу-джитсу және аралас жекпе-жектер федерациясы, Спорт және дене шынықтыру істері агенттігі және Қарағанды облысының әкімдігі ұйымдастырып отыр. Жыл басынан бері еліміздің барлық өңірінде іріктеу жарыстары өткізілген. Чемпионатқа әр өңірдің үздіктері қатысады. Сонымен қатар, «Alash Pride», «Alem Fighters», «Saladin», «Taraz Fighters», «Vainah» сынды танымал клубтың өкілдері де іріктеу кезеңдеріне қатысып, өз облыстарының намысын қорғайды. Айта кетейік, чемпионаттан хабар тарату құқығына «KAZsport» телеарнасы құқығына ие.