Милад Карими Әлем кубогы кезеңінде күміс медаль иеленді

Хорватияның Осиек қаласында өтіп жатқан спорттық гимнастикадан Әлем кубогы кезеңінде қазақстандық спортшы Милад Карими екінші орын алды.

Отандасымыз кермедегі жаттығу бағдарламасында 14,933 ұпай жинап, күміс жүлдеге қол жеткізді.

Бұл жаттығу түрінде бірінші орынды Тайбэй өкілі Тан Цзяхун иеленсе, колумбиялық Анхель Барахас үшінші орын алды.

Айта кетейік, бұған дейін ат снарядындағы жаттығуда Зейнолла Ыдырысов күміс жүлде алса, Нариман Курбанов қола медаль еншілеген еді.