Альваро Арбелоа маусым соңында «Реалдан» кетеді

Мадридтік «Реалдың» бас бапкері Альваро Арбелоа осы маусым аяқталғаннан кейін қызметінен босатылады. The Athletic басылымының соңғы мәліметтеріне сүйенсек, клуб басшылығы бапкермен қоштасу туралы шешімді қабылдап қойған.

Бұл шешімге Чемпиондар лигасының ширек финалында «Бавариядан» ұтылуы тікелей себеп болды. 15 сәуір күні өткен қарымта ойында мадридтіктер сырт алаңда 4:3 есебімен жол беріп (жалпы есеп - 6:4), турнирмен қоштасты.

Қазіргі уақытта «Реал» Ла Лигада 70 ұпаймен екінші орында келеді. Клуб басшылығы ішкі біріншіліктегі нәтижені қанағаттанарлық деп тапқанымен, Еуропа аренасындағы сәтсіздіктен соң бапкерге деген сенімін жоғалтты. Маусым аяқталған бойда мадридтік ұжым жаңа бапкер іздеуге ресми түрде кіріспек.