«Реал Мадрид» ойыншылары «Сантьяго Бернабеуде» Надаль мен Синнермен теннис ойнады

Испаниялық теннисші Рафаэль Надаль қақпашы Тибо Куртуамен жұп құрып, италиялық теннисші Янник Синнер жартылай қорғаушы Джуд Беллингеммен бірге өнер көрсетті. Төреші орындығына мадридтік клубтың президенті Флорентино Перес өзі отырды. Тартысты ойынды тамашалауға әйелдер теннисінің жетекші ойыншысы Ига Швёнтек те келді.

Биыл «Сантьяго Бернабеу» стадионында арнайы грунт корты салынды.

Mutua Madrid Open турнирі қарсаңында «Бернабеуде» алғаш рет арнайы жаттығу корттары орнатылды. Бұл бастама кәсіби теннисшілерге Мадридтің басты символына айналған аренада дайындық өткізуге мүмкіндік беріп отыр.