Қазақстан әйелдер күресінен U17 әлем чемпионатында екі медаль жеңіп алды

Әзербайжанның Баку қаласында өткен 17 жасқа дейінгі спортшылар арасындағы әлем чемпионатында әйелдер күресінен Қазақстан құрамасы 1 күміс және 1 қола медаль жеңіп алды.
65 келіге дейінгі салмақта өнер көрсеткен Айша Әбдімәлік финалға дейін жетіп, шешуші белдесуде Моңғолия өкілі Ариунзул Болдбаатарға есе жіберіп, күміс жүлдеге ие болды.
46 келіге дейінгі салмақта сынға түскен Інжу Баққожа қола медаль үшін белдесуде 2026 жылғы U17 Еуропа чемпионы Алина Баранованы 8:2 есебімен жеңді.
Нәтижесінде Қазақстан құрамасы әйелдер күресінен Әлем чемпионатындағы жалпы есепте сегізінші орынға тұрақтады.