Астанада Paris Saint-Germain Academy ашылады!

Қазақстан астанасында әлемдік деңгейдегі Paris Saint-Germain Academy өз жұмысын бастайды. Алғашқы маусым 2026 жылдың қыркүйегінде басталып, академия 6–14 жас аралығындағы 300-ге дейінгі жас футболшыны қабылдайды.
Академия FIFA стандартына сай Air Arena спорт кешенінде орналасады. Жаттығулар Paris Saint-Germain клубының ресми әдістемесі бойынша өткізіліп, жас ойыншылардың техникалық шеберлігімен қатар тәртіп, командалық жұмыс және жеңіске деген ұмтылысын дамытуға бағытталады.
Осылайша Қазақстан PSG Academy халықаралық желісіне қосылған 24-ші ел атанды. Болашақта академия бағдарламаларын еліміздің өзге өңірлеріне де кеңейту жоспарланып отыр.