MOBA PC Dota 2: PlayTime командасы чемпион атанды

Елордада өтіп жатқан Болашақ ойындарында MOBA PC Dota 2 турнирі өз мәресіне жетті. 

Финалда PlayTime командасы Yakult Brothers ұжымын best-of-five форматындағы кездесуде 3:0 есебімен жеңіп, чемпион атанды. Жеңімпаз команда 350 000 АҚШ долларын иеленсе, екінші орын алған Yakult Brothers 160 000 доллар сыйақы алды.

Үшінші орын үшін өткен матчта Team Resilience қазақстандық Rune Eaters командасын 2:0 есебімен жеңді. Нәтижесінде Team Resilience 120 000 АҚШ долларын, ал төртінші орын алған Rune Eaters 70 000 долларды еншіледі.