Шахмат олимпиадасы: Қазақстан әйелдер құрамасы анықталды

Халықаралық шахмат федерациясы (ФИДЕ) 46-шы Дүниежүзілік шахмат олимпиадасында өнер көрсететін Қазақстан әйелдер құрамасының тізімін жариялады.
15-27 қыркүйек аралығында Өзбекстанның Самарқанд қаласында өтетін додада ел намысын Бибісара Асаубаева, Алуа Нұрман, Меруерт Қамалиденова, Эльназ Қалиахмет және Зарина Нұрғалиева қорғайды.
Қазақстан әйелдер құрамасы қатысушылар рейтингі бойынша турнирдің үздік төрт командасының қатарына енді.