Phygital Shooter CS2: Жартылай финалға шыққан командалар анықталды

Астанада өтіп жатқан Phygital Shooter CS2 турнирінде плей-офф кезеңінің алғашқы матчтары аяқталып, жартылай финалға жолдама алған командалар белгілі болды.
Liga Pro Team ширек финалда MIRAGE TEAM командасын 3:0 есебімен ойсырата жеңді.
Қазақстандық Team KZ командасы Klan Pedrajas ұжымын 2:1 есебімен жеңіп, жартылай финалға шықты.
Басқа ширек финалдық кездесулерде NOVAQ командасы Team Hybrids ұжымын 3:0 есебімен жеңсе, Minsk House Eternal Fire командасынан 2:1 есебімен басым түсті.
Бүгін өтетін жартылай финалда Team KZ командасы NOVAQ ұжымымен кездеседі. Ал екінші жұпта Minsk House пен Liga Pro Team финал жолдамасын сарапқа салады.