Қазақстандық мәнерлеп сырғанаушылар Грузиядағы Гран-при кезеңіне қатысады

Халықаралық конькишілер одағы (ISU) мәнерлеп сырғанаудан Батумиде (Грузия) өтетін жасөспірімдер арасындағы Гран-при кезеңіне қатысушылардың алдын ала тізімін жариялады.
Қазақстандық спортшылар жекелей сырғанау және мұздағы би бағдарламаларында ел намысын қорғайды.
Ерлер арасындағы жекелей сында Артур Смагулов, әйелдер арасында Мария Санникова өнер көрсетеді.
Ал мұздағы би бағдарламасында Қазақстан атынан Ева Шелаева мен Иван Соловьев жұбы бақ сынайды.
Жарыс 24–26 қазан аралығында өтеді.