Кристина Морозова спорттық жүрістен XX жазғы Азия ойындарының күміс жүлдегері атанды

Қазақстандық жеңіл атлет Жапонияда өтіп жатқан XX жазғы Азия ойындарында спорттық жүрістен күміс медаль иеленді.

Кристина Морозова спорттық жүрістің жартылай марафон жарысында 1 сағат 35 минут 25 секунд нәтиже көрсетіп, мәреге екінші болып жетті. Алтын жүлде Қытай спортшысына бұйырды.

Осылайша, Кристина Морозова Аичи-Нагоя ойындарында Қазақстан қоржынына кезекті күміс медальді қосты.

Бұл жарыста Қазақстан намысын Эльмира Калимуллина да қорғады. Отандасымыз бәсекені алтыншы орынмен аяқтады.