Астанада кикбоксингтен Қазақстан мен Қытай командаларының жолдастық кездесуі өтеді

Астанада кикбоксингтен Қазақстан мен Қытай командаларының жолдастық кездесуі өтеді, деп хабарлады ҚР Дене шынықтыру және спорт істері агенттігінің баспасөз қызметі. Жолдастық кездесулердің мақсаты - екі ел арасындағы мәдени-гуманитарлық, спорттық қарым-қатынасты нығайтуға үлес қосу. Жастар арасында салауатты өмір салтын ұстануды, спортпен шұғылдануды насихаттау. 7 жекпе-жектен тұратын сайыста екі елдің ең үздік кикбоксшылары бақ сынайды. Додада ел намысын Әлем кубогының жеңімпазы Ерсайын Қасамбаев, Әлем чемпионатының күміс жүлдегері Бабыр Артықбаев, Әлем чемпионатының қола жүлдегері Шыңғысхан Тілемісов, Әлем кубогының қола жүлдегерлері Қанағат Нұрғалиев пен Артур Сауырбаев, Қазақстан чемпиондары Мерген Біләлов пен Асхат Жантұрсынов қорғайды. Жарыс 26 шілде күні Астана қаласындағы «Дәулет» Ұлттық теннис орталығында өтеді.