Өскеменде волейболдан Азамат Жақыповты еске алу турнирі өтті

Өскемен қаласында спортшы Азамат Жақыповты еске алу құрметіне арналған волейболдан облыстық турнир өткізілді. Облыстық турнирге «Восток» волейбол клубы, Өскемен қаласының спорттық клубы, құрылысшылар мәдениет сарайының спорттық клубы, Семей қаласының командасы, «Восток – 2» волейбол клубының мүшелері, туыстарынан құралған команда қатысып, ойын алаңында үш күн бойы өзара бақ сынасты. Нәтижесінде бірінші орынды «Восток» волейбол клубының ойыншылары жеңіп алды. Екінші орынды Өскемен қаласының спорттық клубы еншілесе, құрылысшылар мәдениет сарайының спорттық клубы үздік үштікті түйіндеді. Жарыс жеңімпаздарына арнайы кубок және ақшалай сыйлықтар табысталды. Атап айтсақ, «ең мықты шабуылшы» - «Восток» волейбол клубы командасының мүшесі Бақытжан Байтөреев, «ең мықты байланысшы» құрылысшылар мәдениет сарайы спорт клубының мүшесі Бақытжан Тебісов, «көрермендердің сүйікті ойыншысы» - Семей қаласы волейболшылар командасының мүшесі Амантай Байтолықов және спорт ардагері, Өскемен қаласының спорт клубының мүшесі Жұмаш Құсайынов атанды. Фото: ulan.vko.gov.kz