«Астана» жаңа маусымдағы алғашқы жеңісіне жетті

ВТБ лигасында ойнайтын «Астана» баскетбол клубы жаңа маусымдағы алғашқы жеңісіне қол жеткізді. Үшінші турда елордалық ұжым ресейлік «Локомотив-Кубань» командасын 81:70 (26:19, 14:17, 20:20, 21:14) есебімен ұтты. «Астана» сапындағы ең нәтижелі ойыншылар: Джекован Браун — 21 ұпай, Рашид Махалбасич — 17, Пэт Калатес — 13, Антон Пономарев — 12, Джерри Джонсон — 9, Лукша Андрич — 7, Анатолий Колесников — 2. Келесі ойын 25 қазанда өтеді. «Астана» өз алаңында волгоградтың «Красный Октябрь» командасын қабылдайды. Басталуы - 17:00.