Астанада Әлия Юсупованың жүлдесі үшін көркем гимнастикадан ІІІ халықаралық турнир өтеді

17 сәуір күні Астанада ҚР Еңбек сіңірген спорт шебері Әлия Юсупованың жүлдесі үшін көркем гимнастикадан ІІІ халықаралық турнир өтпек, деп хабарлайды Астана қаласы әкімдігінің ресми сайты. Осымен үшінші жыл қатарынан өткелі тұрған сайысқа 12 елден жалпы саны 65 спортшы қатыспақ. Сәуірдің 18 күні қатысушылар көпсайыстан өзара мықтыны анықтайды. Жарыстың қорытынды сайысында спортшылар доппен, жалаушалармен өнер көрсетеді. Халықаралық турнир гала-концертпен және жеңімпаздарды марапаттау рәсімімен аяқталады. Айта кетейік, жарысты 20 сәуірде 20:55-те «KAZsport» телеарнасынан тамашалай аласыздар.