Командалық Әлем чемпионаты. Қазақстандық қыздар Грузия шахматшыларына есе жіберді

Қытайдың Чэнду қаласында шахматтан әйелдер арасында командалық V Әлем чемпионаты өтуде. Бүгін қазақстандық қыздар Грузия құрамасына қарсы өткізіп, 3:1 есебімен есе жіберді. Кездесу нәтижелері: 1. Жансая Әбдімәлік – Бела Хотенашвили: 1:0 2. Лела Джавакишвили – Динара Сәдуақасова: 1/2:1/2 3. Гүлісхан Нахбаева – Мери Арабидзе: 1/2:1/2 4. Нино Батциашвили – Гүлмира Дәулетова: 1:0. Айта кетейік, қазақстандық шахматшылар алғашқы кездесуде Үндістан шахматшыларын 2.5:1.5 есебімен ұтса, екінші кездесуде былтырғы Әлем чемпионы Украина спортшыларынан 0.5:3.5 есебімен жеңіліп қалды. Ал, үшінші кездесуін АҚШ құрамасына қарсы өткізіп, 2:2 есебімен тең түскен. Шахматтан Әлем чемпионаты 29 сәуір күні аяқталады.