Спорт және дене шынықтыру істері комитетінің қызметкерлері Қарағанды облысының тұрғындарына көмек көрсетті

Мекеме ұжымы Е.Қанағатовтың бастамасын қызу қолдап, қарағандылық тұрғындарға қол ұшын созуды ұйғарды. Осылайша мекеме қызметкерлері Қарағанды облысының ағынды судан зардап шеккен елді мекендерінде тұрып жатқан халықтың мұңын мұңдап, мұқтажын өтемекке бір күндік жалақыларын аударды. Бағзы замандардан бері қазақ халқы басына қиындық түскен ағайынды далаға тастамай, жылу жиып, пәле-жала, түрлі апаттан аман сақтап отырған. Жаратқан берген осы бауырмал қасиетіміз бізді әлемдік қауымдастыққа мүше сандаған ұлт пен ұлыстан ерекшелеп тұратыны да рас. Осыны ескергенде, Қазақстанның түкпір-түкпірінде көрініс тауып жатқан сауапты іске спорт саласындағы басты мекеме қосқан үлестің мән-маңызы айшықтала, айқындала түсері сөзсіз.