Қазақстанның шахматшы қыздары Әлем чемпионатында 6-шы орын иеленді

Қытайдың Чэнду қаласында шахматтан әйелдер арасында командалық V Әлем чемпионаты аяқталды. Әлемнің 10 мемлекетінен келген құрамалар арасынан Қазақстанның шахматшы қыздары 6-шы орын иеленді. Командалық Әлем чемпионатында сынға түскен Қазақстан Ұлттық құрамасы Жансая Әбдімәлік, Динара Сәдуақасова, Гүлісхан Нахбаева, Гүлмира Дәулетова, Мадина Дәулетбаева. Құраманың басты бапкері – Павел Коцур мен жаттықтырушы Серікбай Темірбаев. Жарыс барысында отандастарымыз Үндістан спортшыларын ұтып, әлемде әйелдер арасында үздік саналатын Ресей мен Қытай құрамаларымен тең түскен. Қытайда өткен баспасөз мәслихатында халықаралық сарапшылар турнирдің ең жас құрамасы Қазақстан шахматшыларын ерекше атап өткен. Жарыс қорытындысы: 1. Грузия 2. Ресей 3. Қытай 4. Үндістан 5. Украина 6. Қазақстан 7. Армения 8. Польша 9. АҚШ 10. Египет Фото: chengdu2015.fide.com