Астанада Аралас жекпе-жектен 2017 жылғы Әлем чемпионаты өтеді

Бұл туралы Аралас жекпе-жек федерациясының құрметті президенті Ерлан Қарин мәлім етті. Е.Қариннің атап өтуінше, өткен жылы елімізде аралас жекпе-жектен Азия чемпионаты өтіп, сол кезде 2017 жылы Әлем чемпионатын Астанада өткізу жөнінде идея ұсынылған. «Осы уақыттың ішінде тиісті келіссөздер жүргізіліп, нәтижесінде бүгінде біз 2017 жылы «EXPO» өтетін кезде аралас жекпе-жек бойынша Әлем чемпионатын Астанада өткізу келісіміне қол жеткіздік. Байрақты бәсеке аралас жекпе-жек өнерінің Қазақстанда кеңінен дамуына септігін тигізетін болады», - дейді Ерлан Қарин. ҚазАқпарат