Әлемдік лига. Қазақстан Ұлттық құрамасы Венесуэла волейболшыларын 3:2 есебімен жеңді

Таразда волейболдан Әлемдік Лиганың алғашқы кезеңі өтуде. Қазақстан Ұлттық құрамасы «Н» тобында Испания, Египет және Венесуэла волейболшыларымен сынға түспек. Бүгін жарыстың алғашқы күні аяқталды. Қазақстан Ұлттық құрамасы Венесуэла командасын 3:2 (25:22; 31:33; 25:23; 23:30; 15:9) есебімен ұтты. Сонымен қатар, «Тараз-Аренада» күндіз ойнаған Испания волейболшылары Египет құрамасын 3:2 (22:25; 25:21; 25:27; 25:22; 15:9) есебімен жеңді. Енді «Н» тобында 3 ұпай иеленген Қазақстан мен Испания 1-ші орында тұр. Ертең, 13 маусымда Қазақстан волейболшылары Египетпен, ал Испания Венесуэла құрамасымен кездеседі. Еске сала кетейік, Таразда өтетін жарыстың барлық ойындарын «KAZsport» телеарнасы тікелей эфирде көрсетеді. КӨРСЕТІЛІМ КЕСТЕСІ: 13 маусым 14:50. Испания - Венесуэла 18:20. Қазақстан - Египет 14 маусым 14:50. Венесуэла - Египет 18:20. Қазақстан - Испания