Универсиада-2015. Стендтік атудан Қазақстан ерлер және әйелдер құрамасы қола жүлде жеңіп алды

Құрамында Андрей Фролов, Александр Ещенко мен Владимир Почивалов сайысқа түскен стендтік атудан Қазақстан ерлер құрамасы Кванджу қаласында (Оңтүстік Корея) өтіп жатқан XXVIII Жазғы Универсиаданың қола жүлдесін иеленді. Бірінші орынды Ресей спортшылары, екінші орынды италиялық мергендер иеленді. Сонымен қатар, құрамында Ангелина Мищук, Әсем Орынбай және Жания Айдарханова бақ сынаған стендтік атудан Қазақстан әйелдер құрамасы да Универсиаданың қола жүлдесін ұтып алды. Алтын жүлдені еншісінде 196 ұпайы бар Чехия құрамасы иеленді, ал күмісті 195 ұпай жинаған ресейліктер місе тұтты. Қазақстандық мергендер 191 ұпаймен «қола» алды. Естеріңізге сала кетейік, «KAZsport» телеарнасы Кванджудағы Универсиада ойындарын тікелей эфирде көрсетуде.