2022 жылғы Қысқы Олимпиада Қытай астанасы Бейжіңде өтеді (ВИДЕО)

Жаңа ғана Куала-Лумпурда (Малайзия) Халықаралық Олимпиада комитетінің кезекті отырысы аяқталды. Шара аясында 2022 жылғы Қысқы Олимпиада ойындарының астанасын таңдау рәсімі өтті. Ойындарды өткізуге Алматы мен Бейжің таласқан еді. Дауыс беру қорытындысы бойынша Қытай астанасы Бейжің жеңіске жетті. Айта кетейік, «KAZsport» телеарнасы ХОК-тың кезекті отырысын толық тікелей эфирде көрсетті.