«Павлодар» волейбол клубы Азия чемпионатының жартылай финалына шықты

Қазақстандық «Павлодар» волейбол клубы қытайлық Тайбэйде клубтық командалар арасында өтіп жатқан Азия чемпионатының жартылай финалына шықты, деп хабарлайды sk-sport.kz сайты. Ширекфиналдық сайыста қазақстандық ойыншылар Ирак елінен келген «Саут Гас Клаб» командасын 3:1 (19:25, 25:16, 25:19, 25:21) есебімен ұтқан. Павлодарлықтар жартылай финалда жарыс қожайындары – қытайлық Тайбэйдің «Тайчунг Бэнк Клаб» командасына қарсы ойнайды.