Қазақстандық таэквондошылар кадеттер арасындағы Әлем чемпионатында екі қола жүлде иеленді

Кадеттер арасында таэквондодан (WTF) Қазақстан Ұлттық құрамасының спортшылары Оңтүстік Кореяның Муджу қаласында өткен Әлем чемпионтында екі қола медаль иеленді, деп жазады sk-sport.kz сайты. 65 келі салмақ дәрежесіне дейін Дулат Сихымов біріншілікте үздік шыққан Иран саңылағы Мохаммади Кханиға жартылай финалда ұтылып қалды. 29 келі салмаққа дейінгі спортшы Алима Қайдаровада жартылай финалда Ресей өкілі Әмина Черчесоваға қарсылық көрсете алмай жарыстан шығып қалды. Осылайша спортшыларымыз таэквондодан қоржынымызға екі қола медаль салды.