«Қазақстан» Ұлттық телеарнасы «Намыс дода» финалын жұлдыздармен бірге тамашалауға шақырады

Ертең Алматыдағы «Мега парк» ойын-сауық кешенінде бірнеше айдан бері арнайы бағдарламаның тұрақты жанкүйерлері мен көрермендері үшін «Қазақстан» телерадиокорпорациясы ақтық мәреге жеткен жарысты еліміздің жұлдыздарымен бірге тамашалау мүмкіндігін ұйымдастырады. «Мега парк» ойын-сауық орталығына жобаға қатысушыларды қолдау үшін отандық эстрада жұлдыздары мен әйгілі спортшылар келеді. Ұйымдастырушылар келген қонақтарға мерекелі көңіл-күй мен жарқын әсер сыйлауға уәде береді. «Намыс дода» - бұл спорттық сайыс болғанымен, ойын-сауықтық бағдарлама. Биылғы жылы «Намыс дода» сайысында Франция, Қытай, Алжир, Венгрия және Қазақстан бақ сынасуда. Қиын сынақтар, жарақаттар, көзжасы, алаңдау – осының барлығы финалдық сатылардан кейін артта қалады. «Намыс дода» жарысына қатысушыларды қолдауға келіп, біздің қыз-жігіттердің жігерлі айқасына куә болыңыздар. Іс-шара ертең сағат 20:00 Алматыдағы Сейфуллин көшесінде орналасқан «Мега парк» ойын-сауық кешенінде өтеді.