Қазақстандық таеквондошылар Азия чемпионатынан жүлделі оралды

Вьетнамның Хошимин қаласында таеквондодан Азия чемпионаты мәресіне жетті.

Дүбірлі додада ел намысын қорғаған 16 спортшының ішінен төртеуі жүлде еншіледі.

Жарыстың алғашқы күнінде Айтуар Шайкенов қола медальге қол жеткізген. Кейін Смайыл Дүйсебай чемпион атанып, Азия чемпионаттарындағы 2006 жылдан кейінгі алғашқы алтын жүлдені қоржынға салған болатын 

Жарыстың соңғы күнінде Мереке Жүнісова қола жүлдені қоржынға салса, құрама көшбасшысы Руслан Жапаров күміс жүлде еншіледі.