«Астана» велошабандозы «Джиро д'Италия» көпкүндігінің қола жүлдесін иеленді

Қазақстандық «Астана» велокомандасының велошабандозы, италиялық Фбаио Ару  «Джиро д'Италия» көпкүндігінің қола жүлдесін иеленді.

Италиялық Гранд-турда «Movistar» командасының колумбиялық велошабандозы  Наиро Кинтана жеңімпаз атанды.

Екінші орын «Omega Pharma-Quick Step» командасының өкілі Ригоберто Уранға бұйырды. Ол жеңімпаздан 2 минут 58 секунд қалып қойды. Ал Фабио Ару жеңімпазға 4 минут 4 секунд ұтылды.

Атақты көпкүндіктің соңғы кезеңінде «Giant-Shimano» командасының словениялық спортшысы  Лука Мезгец топ жарды.