Басты Жаңалықтар Францияда Андрей Кивилевті еске алуға арналған веложарыс өтті

Францияда Андрей Кивилевті еске алуға арналған веложарыс өтті

02.06.2014 06:33

Францияның Сен-Лоран-дю-Вар қалашығында қазақстандық велошабандоз Андрей Кивилевті еске алуға арналған веложарыс өтті. 9-шы рет ұйымдастырылып отырған жарысқа 500 спортшы қатысты. Велобәйге аяқталғаннан кейін қатысушылар атақты спортшының зиратына гүл шоқтарын қойды, деп хабарлайды proteam-astana.com.

«Андрей арамыздан ерте кетті. Біз жыл сайын оны еске алуға арналған турнирге қатысамыз. Өкінішке қарай, команданың толық құрамы келе алмады. Олар Джиро Д’Италия көпкүндігі мен Бельгия турында, сонымен қатар Қазақстан тарихында тұңғыш рет өткен Азия чемпионатында сынға түсті.

Команданың атынан жарысты ұйымдастырушыларға алғысымды білдіргім келеді. Біз олардың досымызды еске алуға арналған әр идеясына қолдау білдіреміз», - дейді ProTeamAstana велокомандасының бас менеджері Александр Винокуров.

Бөлісу