Алматыда велошеру өтеді

8 маусым күні Алматыда медицина қызметкерлері күніне орайластырылған велошеру өтеді. Дәстүрлі шараның биылғы бағытына өзгеріс енгізілген. Велошеру әл-Фараби даңғылы мен Тәттімбет көшесіні қиылысынан басталады. Әл-Фараби даңғылының бойымен Жароков көшесіне дейін жүріп, кейін Жароков көшесімен төмен қарай Абай даңғылына дейін барады. Мәре – Орталық стадионның алаңы болмақ. Озып шыққан велошабандоздарға сыйлықтар беріледі. Қатысушылар сағат 08.00-де жиналуы тиіс. Велошерудің басталу уақыты – 08.30.