Алматыда Tour Of World Class веложарысы өтеді

Алдағы сенбі, яғни 16-шы тамыз күні, әуесқойларға арналған Tour Of World Class веложарысы өтеді, деп хабарлайды Алматы қаласының әкімдігі. Жарысқа қатысу үшін tourof.wclass.kz сайтында тіркелу қажет. Турнирге 18 жастан асқан азаматтар ғана қатыса алады. Сөрелік нөмірлері жоқ қатысушылар жарысқа қатыса алмайды. Сондай-ақ, велошлем мен велосипедтің техникалық дайындығы болуы міндетті! Жарыс өткізілуіне байланысты таңғы сағат 05.00-ден 11.30-ға дейін автокөлік қозғалысы Розыбақиев-Левитан көшелерінен Әл-Фараби даңғылына дейін, Әл-Фараби даңғылы мен Розыбақиев көшесінен Достық даңғылына дейін, Шығыс айналмалы автомобиль жолы Халиуллин көшесі, Талғар даңғылжолы - Құлжа даңғылжолы автокөлік жолайрықтарына дейін екіжақты бағыттағы жолдар уақытша жабық болады. Сөре мен мәре орны: Розыбақиев көшесі мен Қожабеков көшелерінің қиылысы.